قول و فعل کا تضاد- سچی کہانیاں

ٹرن ٹرن ٹرن

السلام و علیکم۔ اے ٹیکسی

جی وعلیکم السلام

یہ سواری کو گلبرگ ہوٹل سے فیصل موورز نیازی اڈہ پر چھوڑ دیں۔

جی بہتر۔

ٹوں ں ں ں

ٹوں ں ں ں

جی محترم! میں ہوٹل گلبرگ پیلس پہنچ گیا ہوں۔ آپ تشریف لے آیئے۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔

اتنے میں سامنے سے کلف زدہ سفید لباس میں ملبوس چار افراد تشریف لائے اور شان وشوکت کے ساتھ براجمان ہو گئے۔

جی سر کون سا راستہ لیں گے۔ ایک راستہ مختصر مگر ہجوم زدہ ہے جب کہ دوسرا قدرے طویل لیکن سہل اور پر سکون ہے۔

ٹھیک ہے آپ آسان راستہ اختیار کرو۔

گھررررررررررر

۔۔۔۔۔۔۔۔۔۔۔۔۔۔۔۔۔۔۔۔۔۔

مفہوم سرائیکی گفتگو(آپس میں)

یار وہ فلاں سے بیس ہزار فنڈ آیا تھا اور فلاں نے ابھی نہیں دیا کب دے گا۔ اُسے بتا دینا ہم لاہور سے جا رہے ہیں اب کوئی اور انتظام کرو۔

۔۔۔۔۔۔۔۔۔۔۔۔۔۔۔۔۔۔۔۔

راستہ اور کتنا طویل ہے

جی محترم تھوڑا اور

کتنا تھوڑا، آتے ہوئے ہم چار سو میں آئے تھے اب تو ابھی سے پانچ سو ہو گئے ہیں۔ تم جانتے ہو، یہ مزدوروں کا پیسہ ہے اور ہم مزدور یونین کے کرتا دھرتا ہیں۔ مزدوروں نے ایک ایک پیسہ کر کہ ہمیں دیا ہے۔

جناب میں نے آپ سے پوچھ کر راستہ اختیار کیا تھا

لیکن ہمیں اندازہ نہیں تھا کہ راستہ اتنا طویل ہو جائے گا۔

اُترتے وقت

تم نے چھ سو پینتالیس روپے جان بوجھ کر بنائے ہیں

اضافی رقم تم اپنی جیب سے کمپنی کو ادا کرو گے

۔۔۔۔۔۔۔۔۔۔۔۔۔۔۔۔۔۔۔۔

کلف زدہ کپڑے

معروف گلبرگ ہوٹل

مہنگی ٹیکسی سروس

اضافی رقم کسی اور پر بوجھ

بات مزدوروں کے حقوق کی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ایک گونج

کوئی مصرع

قول و فعل میں تضاد ہے صاحب

قول و فعل میں تضاد ہے صاحب

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

تحریر عمیر علی